அகத்தின் அளவீடு
இனத்தின் குறியீடு
வரலாற்று உள்ளீடு
பூகோள மாறுபாடு
ஓர் இறைவன்
ஓராயிரம் மதங்கள்
கிளைகள் நூறு
வேர் ஒன்று
கிளைகளுக்குள் கிளர்ச்சியேன்
உன் மதத்தால்
உன்மத்தம் பிடித்தால்
அம்மதம் உடன் உதறு
சகரத்த சகோதரனே
சம்ரக்ஷணம் பழகு
சம்ஹாரம் மற
சமதர்ம சமுதாயமே
நிர்மால்ய நிதர்சனம்
நூறு தலைமுறைக்கு முன்
நீ எந்த மதம் அறிந்து சொல்
சிலுவையும் சீக்கியமும்
அல்லாவும் ஆறுமுகனும்
கை கோர்ப்பதே
தீவிர வியாதிக்கு மருந்து
தன்பசிக்கு பிறர் வயிறு கிழிக்காமல்
தானேரிந்து பிறர்க்கொளிரும்
மெழுகாய் மிளிர்
கார்டெக்ஸ் கழிவுப்பதிவை
விரைந்து வெளியேற்று
இதயம் செலவழி
அன்பை வரவு வை
மத நல்லிணக்கமே
மனித நல் இலக்கணம்
மதங்களின் வேர்
மண்ணை திங்கட்டும்
மனிதத்தை அல்ல ...................