25.11.15

பேராசைகளின் புத்தர்


பெருங்கவிதை எனக்கு
ஹைக்கூ உனக்கு
காரிருள் வேண்டுமெனக்கு
பேரொளி வேண்டுமுனக்கு
பெருமழை வேணுமெனக்கு
சிறு தூறல் போதுமுனக்கு
மாடமாளிகை வேண்டுமெனக்கு
குடிசையே கோபுரமுனக்கு
பேரினிப்பு வேண்டுமெனக்கு
சீரக மிட்டாய் போதுமுனக்கு
மெய்ம்முயக்கம் வேணுமெனக்கு
மயிலிறகு தீண்டல் போதுமுனக்கு
ஈரிதழ் விடுவிக்க வேண்டாமெனக்கு
உச்சி மோர்தல் போதுமுனக்கு
காற்று புகா தழுவலெனக்கு
விரல் தொடா ஸ்பரிசமுனக்கு
சின்ன சின்ன ஆசை மதுபாலா நீ
பேராசைகளின் புத்தர் நான்.................

18.11.15

இம்சை



நீதான்
எனது இம்சை .........
கண் சிமிட்டல்களில்
இதயக்கதவு திறக்கிறாய்
உதட்டு சுளிப்பில்
உயிரை உருவுகிறாய்
செல்லப் பெயர் சொல்லி
சிகை கலைக்கிறாய்
மெல்லிய கிள்ளலில்
மனம் பிறள
மஞ்சள் சுகந்தம்
உளம் அதிர
முந்தானைக்காற்றில்
முகமுலர்த்தி
உந்திச்சுழி கண்டு
உன்மத்தம் கொண்டு
உன்னில்
முயங்கினேன்
மழைதுளியொத்த
வியர்வையே
எனக்கு
அமிர்தமாகும்..........

6.12.14

வாஸ்து

My New Website for Vastu Consultancy

vastuvijay.in


2.11.14

குட்டிக்கவிதைகள் -5


நீ அழுது
உன் தாய் சிரித்த
ஒரே நிமிடம்
உன் தொப்புள் கொடி
அறுபட்ட நொடிதான்..........

மகரந்த தூள்களை
சேகரிக்கும்
பட்டாம்பூச்சி போல
உன் நினைவுகளை
சேகரிக்கிறேன்
காதல் கவிதை  சூலுற........ 

5.9.14

திரும்பக் கிடைக்குமா.........



பெட்டிக்கடை ஐந்து பைசா 
எலந்த வடை 

மூணாங்கிளாசில் அனு தந்த 
கொடுக்காப்புளி 

ஐஸ்மணி கன்னம் கிள்ளி  தரும் 
சேமியா ஐஸ் 

வாய் மணக்கும் 
சூட மிட்டாய் 

சாலிடரில் பார்த்த 
ஒலியும் ஒளியும் 

நேஷனல் பேனாசோனிக்கில் கரைந்த 
இது ஒரு பொன் மாலைப்பொழுது   

பதினெட்டு பொக்கிஷமடங்கிய 
TDK- 90

தெரு அதிர்ந்த 
பானை ஸ்பீக்கர் 

இளமைக்கால கனவு ஹீரோ 
இரும்புக்கை மாயாவி 

விறகடுப்பில் சமைத்த 
வெண்பொங்கல் 

மின்வெட்டின் ஆபத்பாந்தவன் 
சிம்னி விளக்கு 

தென்றல் தவழும் 
பனையோலை விசிறி 

நிழற்படம் கற்ற 
Yashika - Electro 35

பத்திரப்படுத்திய அன்பு 
பொங்கல் வாழ்த்து 

பரவச நிலை தரும் 
தியேட்டர் முன்பெஞ்சு 

கரை தொடும் 
காவிரி 

இரைச்சல் இல்லா
மண் சாலை 

கெமிக்கல் கற்பூரமில்லா 
கருவறை 

உன்னால் அழகான 
தாவணி 

இறந்த அன்று மட்டும் 
அப்பாவை எழுப்பாத 
டைம் பீஸ் 

திரும்பக்கிடைக்குமா ......................................