வென்றெழு

வெந்ததை தின்று விதி வந்ததும் சாகாதே 
சந்ததிக்கு சமைத்து வை 

சிதைந்த சிந்தனைகளை புதை 

நொடிமுள்ளாய் உழைத்து 
இருமுள் போல் வாழ்வை மணியாக்கு

பீனிக்ஸ் போல் இறந்து பிறக்காதே 
மண்புழுவாய் மரித்து உரமாகு

வெற்றி - கனி 
தோல்வி - காய்
காயே  பின் கனியும் 

பெற்றோரை துதி 
கற்றோரை மதி 

காதலி அல்லது 
காதலிக்கபடு 
காதல் தாழ்வு பிறழ்வுகளை 
தகர்த்திடும் அகமருந்து 

அன்பு வளர்த்து 
பகைமை தேய் 

புத்தி செதுக்கி 
வித்தை பெருக்கு

சிறகுகளை மாற்றி போட்டால் 
சிறு குருவிகூட பறக்காது 

மாற்றி யோசிக்காதே 
யோசித்து மாறு 

விழுந்தாலும் வென்றெழு