காதல்

கால் சதங்கை கலத்த நாட்களும் 
கண்ணசைவில் கரைந்த நாட்களும்
கைப்பிடித்து உறைந்த நாட்களும் 
நிலைத்த பசுமை


முன்பகலில் முந்தானை இழுத்ததும் 
நண்பகலில் நகம் சுருக்கியதும் 
கருமிரவில் சொடுக்கெடுத்ததும்
காகிதம் கனக்கும் கவிதைகள் 

நினைவுகள் நிதர்சனம்
நிதம் உன் வலி 


காதலில் வென்று வெறுமையாவதைவிட
தோற்று துவழ்தல் சுகமெனக்கு 
ஏனென்றால்
நொடிக்கொருமுறை உன் நினைவெனக்கு 


அன்று 
உயிர்மெய் கலந்த பொருளாய் 

இன்று 
தாமரை இலை தண்ணீர் போல் நாம்